● उन्नत व प्रगत गटात मोडत नसलेबाबत दाखला - नॉन क्रिमीलेयर प्रमाणपत्र ●

● उन्नत व प्रगत गटात मोडत नसलेबाबत दाखला - नॉन क्रिमीलेयर                                  प्रमाणपत्र ●

सुचना - उन्नत व प्रगत गटात मोडत नसलेबाबत उत्पन्नाची मर्यादा - ज्यांचे उत्पन्न मागील सलग 3 आर्थिक वर्षामध्ये प्रत्येक वर्षी रुपये 6 लाखापेक्षा कमी आहे,अशांनाच उन्नत व प्रगत गटात मोडत नसलेबाबत दाखला मिळेल.
सदर उत्पन्नाची मर्यादा Government Resolution No. 3433/1/2013-Estt.(Res.), Government of India, Ministry of Personnel, Public Grievances & Pensions Department of Personnel & Training, dated 27th May, 2013 मधे नमुद आहे.

आवश्यक कागदपत्रे
१) विहीत नमुन्यातील अर्ज
२) अर्जावर ₹ १०/- चे कोर्ट फी स्टॅम्प
३) सक्षम प्राधिकारी यांनी दिलेले जातीचे प्रमाणपत्र साक्षांकित
४) अर्जदाराचे मागील ३ वर्षाचे उत्पन्नाबाबतचे उल्लेख असलेले स्वयं प्रतिज्ञापत्र
५) उत्पन्नाबाबत मागील ३ वर्षाचे पुरावे
अ) अर्जदार शेतकरी/मजूर असल्यास तहसीलदार यांचा उत्पन्नाचा दाखला
ब) अर्जदार नोकरदार व व्यावसायिक असल्यास आयकर विवरणपत्र झेरॉक्स
क) जे नोकरदार व्यक्ती आयकर विवरण भरत नाहीत त्यांचे पगाराचे प्रमाणपत्र
ड) अर्जदार शिकत असल्यास बोनाफाईड प्रमाणपत्र
ई) नोकरी करत असल्यास फॉर्म १६ ची प्रत
फ) स्वंयरोजगार करत असल्यास व आयकर रिटर्न भरत नसल्यास स्थानिक नगरसेवकाकडून आपल्या नावे उत्पन्नाचा दाखला घ्यावा आणि अर्जावर तीन साक्षीदारांच्या सह्याव त्यांच्या रेशनकार्डची झेरॉक्स प्रत जोडावी
६) मतदान ओळखपत्र/PAN कार्ड/वाहन चालवण्याचा परवाना

वरील नमुद कागदपत्रे घेऊन आपल्या भागातील किंवा तहसीलदार कार्यालयाच्या ठिकाणी असणाऱ्या नागरी सुविधा केंद्रात जावे.तिथुन विहीत नमुन्यातील अर्ज घेऊन त्यातील सर्व माहिती अचुक भरुन त्यावर सही करावी.त्या अर्जाला ₹१० चे कोर्ट फी फी स्टॅम्प लावावे.तसेच योग्य त्या किमतीच्या स्टॅम्पवर मागील तीन वर्षांच्या उत्पन्नाबाबत सज्ञान अर्जदाराचे स्वयं किंवा आई-वडिल किंवा कुटुंबातील सज्ञान व्यक्तीने स्वयं प्रतिज्ञापत्र करुन त्याची झेरॉक्स काढुन ते प्रतिज्ञापत्र आणि इतर सर्व आवश्यक कागदपत्रे अर्जासोबत जोडुन हा अर्ज नागरी सुविधा केंद्रात जमा करावा.
अर्जाची छाननी झाल्यानंतर तुम्हाला नॉन क्रिमीलेयर दाखल्याचे वाटप केले जाईल.हा दाखला मिळाल्यानंतर त्यावर तहसीलदार/नायब तहसीलदार यांचा शिक्का व सही झाल्याची खात्री करुन घ्या

====================